العنصريه

ابغا اتناقش معكم اليوم في موضوع مهم وشيئ حساس حنا المفروض نشيله من قلوبنا
العنصريه
ابغى اعرف ليه هذي العنصريه في قلوبنا ووشهي اسبابها ودوافعها ومتى ممكن انها تختفي في اوساط مجتمعنا

اول شي مثل ماشفتوا في الآونه الأخيره في المنتدى العام مواضيع كثيره تعبر عن العنصريه
وطبعاَ بدون ذكر هذي المواضيع طبعاَ احب اقولكم شي

حنا الحمد لله بلد خير عندنا زراعه وعندنا بترول وإعتمادنا على البترول بشكل كبير
لاكن خلنا نرجع شوي لورى ونشوف وين كانوا آباءنا واجدادنا يشتغلون
قبل مايكتشف البترول عندنا وين كنا نشتغل؟
مو كنا نشتغل في الهند
ياتجار ياحمالين ياخدم كل الشغلات بلا إستثناء
وانا طبعاَ هالكلام ماجبته من عندي انا دايم احب اجلس مع الشياب واسمع سواليفهم ورحلاتهم وخرابيطهم كل شي وكنت اسمع قصص كثيره منهم
ابغى اعرف كيف كانت معاملة الهنود لنا في ذيك الأيام
وربي يعاملونا احسن معامله ومش بعيد لو قلت كانوا يعبدونا استغفر الله العظيم هذولي يقدسون أي شخص
وكانوا يزوجونا من بناتهم هنا عندنا كثير سعوديين متزوجين من هنديات وجارنا واحد منهم
يعني كانوا يعاملونا بمنتهى الأدب وهم شعب فقير شوفوا كيف تبدلت الأحوال وصرنا بلد خير وبترول ولله الحمد
صار الناس أهم اللي يجونا من جميع الأماكن مو بس الهند لأن حنا كنا نشتغل في الهند وفي السنغال وفي البورتوغال ... الخ
احد يرد علي شلون نعامل الهنود؟
ضرب وشتم قلة ادب تلاقي الهندي ماشي بالسيكل حقه نحد عليه بالسياره نلوح عليهم بيض طماط نعالات الله يكرمكم
هذا انسان فقير جاي يسترزق الله عندنا ترك عياله واهله ترك اب مريض او ولد في الجامعه ينتظرون هالمصروف اللي يجيهم آخر الشهر
وليش حنا نعاملهم هالشكل علشان زادت فلوسنا وعلشان الكبرياء وعزة النفس اللي غزت قلوبنا
اقسم بالله العظيم رح نتحاسب على كل شي

فليش هذي العنصريه ليش ؟؟؟؟؟ هم مو بشر مثلنا ناس قسم بالله ماحنا احسن منهم كلنا نهايتنا حفره مترين في نصف متر

على طاري الهنود انا كنت اثناء دراستي في فترة الراحه اجلس في الكفتيريا احب اسولف مع كل الناس حتى الهنود اللي كانوا شغالين هناك والله حتى عمال النظافه
اسألهم عن احوالهم نتناقش في امور نضحك مع بعض ياجماعه وربي هذولي بشر
فمره من المرات تعطلت سيارتي وكان الوقت الساعه 2 الظهر وتأخرت عن المحاضره وسبحان الله شافوني هذولي الهنود ووصلوني شوفوا شلون اللي يعامل الناس بطيبه رح يلقى الطيبه منهم

طيب شوفوا المصريين
شعب مثقف طيب حبوب مايكره احد يحب كل ضيوفه لو تروحوا على مصر شوفوا شلون الترحيب بغض النظر عن السرقات اللي هناك وهالشي علشان فقرهم مو مثلنا هنا سرقات علشان نشرب خمر ومخدرات ونفحط
فالمصريين دايماَ يرحبوا بضيوفهم تفضل يابيه ياباشا يامدري وشهو
وتعالوا شوفوا حنا شلون نعاملهم
هااااااااي انت يالمصري يازلبطه يامدري وشهو شتايم قلة حيى وهالشي نشوفه يومياَ من بعض شبابنا الله يهديهم

لاتكرهوا احد مهما كانت جنسيته ترى رح توقفوا جنبه يوم القيامه وانتم عراه لو كنت لواء بخمس نجوم وتاج ولو كنت حارس عماره رح توقفوا جنب بعض وكل واحد رح ياخذ حسابه من الثاني عند الصراط المستقيم طبعاَ في شي اسمه رد المظالم
رح يقولك امام الله انت ليش كنت تكرهلي الرزقه وحاسدني عليها انت ليش كنت تعاملني معامله رديئه


خلكم طيبين خلي الناس تحبكم ياجماعه هذولي ناس جايين يترزقوا الله خلي كل واحد ياخذ نصيبه ورزقته من هالدنيا وربي مافي يسوى عليكم
على الأقل لو متنى خلنا نلقى احد يحزن ويبكي علينا

لو لاسمح الله البعيد البعيد الله لايقولها يارب لو نفذ البترول من عندنا وش رح يصير فينا؟
رح نشتغل كل ابونا في الزراعه
ولا رح نشتري بترول من برى ونكمل حياتنا مثل ماكانت
لا لا حنا مو دول صناعيه نشتري بترول ونصنع
حنا لو انتهى البترول منا رح تتوقف حياتنا
رح نهاجر ونروح نشتغل في بلدان ثانيه نبحث عن رزقتنا في ارض الله الواسعه وإذا بقينا عنصريين ونكره الأجانب الكل رح يكرهنا وماحد رح يقبلنا في بلاده
هالشي هذا مجرد مثال دايم المفروض الإنسان يحط نفسه مكان الطرف الآخر ولو لوهله بسيطه علشان يعتبر

وعسى الله لايقولها يااااااااااااااااارب وإنشاء الله بئذن الله رح تبقى ارض السعوديه ارض الخير والعطاء حتى نهاية الدنيا
حبوا الناس وخلوا الناس تحبكم واتركوا العنصرررررررررررررريه